Зангиотада 38 ёшли эркак 14 яшар қизни 8 ой зўрлаб келгани айтилмоқда
Ижтимоий тармоқларда Зангиота туманида 38 ёшли эркак 14 яшар қизни 8 ой давомида зўрлаб келгани ва агар қиз буни кимгадир айтса ўлдириш билан қўрқитиб келгани ҳақида хабарлар тарқалди. Ҳолат юзасидан Бош прокуратура Матбуот хизмати маълумот берди.
Қайд этилишича, мазкур ҳолат юзасидан жорий йилнинг 8 июль куни Жиноят кодексининг 128-моддаси 1-қисми (Ўн олти ёшга тўлмаган шахс билан жинсий алоқа қилиш) билан жиноят иши қўзғатилди.
Зангиота тумани Ички ишлар бошқармаси Тергов бўлими томонидан тергов ҳаракатлари олиб борилмоқда.
