Ўзбекистон олтин-валюта захираси кетма-кет бешинчи ой камайди

Ўзбекистоннинг расмий захира активлари август ойида 958 миллион долларга камайиб, 2023 йил 1 сентябрь ҳолатига кўра, 32 миллиард 690 миллион долларни ташкил этмоқда.

Захиралар кетма-кет бешинчи ой камаймоқда — майда расмий захира активлари 837,9 миллион долларга, июнда — 649 миллион доллар, августда эса 71,8 миллион долларга камайганди.

Маълум қилинишича, мамлакатдаги олтин захираси 410 миллион долларга кўпайиб, 23 миллиард 430 миллион долларни ташкил этмоқда. Қимматбаҳо металлнинг ҳажми ҳам 0,3 миллион трой унсияга (9,33 тонна) кўпайиб, 12,1 миллион трой унсиясини (тахминан 376,31 тонна) ташкил этди.

Ўзбекистон ўтган январь–апрель ойларида 3 миллиард доллардан ортиқ олтин экспорт қилган. Апрель ойида Ўзбекистон олтин экспортини 650 миллион долларгача қисқартирди. Хорижга қимматбаҳо металл етказиб беришнинг умумий ҳажми 3,06 миллиард долларни ташкил этди.