Намангандаги 15 та мактабда анъанавий тарздаги дарслар бошланди (фото)

Наманган вилоятидаги 15 та умумтаълим мактабида анъанавий тарздаги дарслар бошланди. Бу ҳақда вилоят ҳокимлиги матбуот хизмати хабар берди.

Фото: Наманган вилоят ҳокимлиги матбуот хизмати

Қайд этилишича, 14 сентябрь куни Наманган шаҳридаги 9 та, Норин туманида 4 та, Косонсой ва Уйчи туманларида биттадан мактабларда анъанавий тарзда дарслар бошланди. Шунингдек, 7 ва 9 сентябрда очилган 24 та мактаб билан бирга, вилоятда фаолиятини бошлага мактаблар сони жами 39 тага етди.

Фото: Наманган вилоят ҳокимлиги матбуот хизмати

Шунингдек, Наманган шаҳридаги 86- ва Косонсой туманидаги 54-умумтаълим мактаблари 2020 йил янгидан қуриб битказилди. Бунинг учун тегишли равишда 8,5 ва 8,2 миллиард сўм маблағ сарфланган.

Фото: Наманган вилоят ҳокимлиги матбуот хизмати

Янги очилган очилган мактабларда 1400 нафарга яқин 1-синф ўқувчиларига «Президент совғалари» топширилди. Маълумот учун, Наманган вилоятида 2020 йили жами 6 та янги умумтаълим мактаби фойдаланишга топширилиши кўзда тутилган.

Аввалроқ Ўзбекистонда 14 сентябрдан анъанавий шаклда фаолиятини бошлайдиган мактаблар сони ҳамда Бухорода 14 сентябрдан 17 та мактабда анъанавий таълим бошланиши маълум қилинган эди.