Коронавирусга қарши қўлланилган жами вакциналар 17,4 миллион дозадан ошди

Шу кунгача тўлиқ эмланган фуқаролар 3 345 225 нафарни ташкил қилмоқда. Бу ҳақда ССВ матбуот хизмати хабар бермоқда.

Маълум қилинишича, 14 сентябрда мамлакат ҳудудлари бўйлаб 255 739 доза COVID-19га қарши вакцина қўлланилди. Улардан:

• 1-босқич эмланганлар 67 040 нафарни,
• 2-босқич эмланганлар 127 979 нафарни,
• 3-босқич эмланганлар 60 720 нафарни ташкил қилди.

Шунингдек, айни кунгача жами 17 435 318 доза вакцинадан фойдаланилди. Улардан:

• 1-босқич эмланганлар 10 147 327 нафарни,
• 2-босқичда эмланганлар 5 432 992 нафарни,
• 3-босқич эмланганлар 1 854 999 нафарни ташкил қилди.

Қайд этилишича, кеча эмлаш кўрсаткичлари бўйича юқори ўринларни:

• Андижон вилояти (29 253 доза),
• Фарғона вилояти (26 048 доза),
• Тошкент вилояти (24 203 доза) банд қилди.

Жами эмлашлар бўйича юқори кўрсаткичлар:

• Фарғона вилоятида 1 970 606 доза,
• Наманган вилоятида 1 896 709 доза,
• Андижон вилоятида 1 890 210 дозани ташкил қилмоқда.

Эмлаш жараёнлари давом этади.

Эслатиб, ўтамиз аввалроқ Дунёда коронавирусга қарши 5,5 миллиард доза вакцина қўлланилди деб хабар берган эдик.