Самарқанд шаҳрида «Табиат саховати» ярмаркаси бошланди (фото)
Самарқанд шаҳрида 16—20 октябрь кунлари «Табиат саховати» номли ярмарка ўтказилади. Бу ҳақда шаҳар ҳокимлиги ахборот хизмати хабар берди.
Фото: Самарқанд шаҳар ҳокимлиги ахборот хизмати
Таъкидланишича, 18 октябрь — Самарқанд шаҳри куни муносабати билан 16—20 октябрь кунлари Самарқанд шаҳридаги Алишер Навоий номли марказий истироҳат боғида ва шу номдаги кўчада «Табиат саховати» номли ярмарка ўтказилади.
Фото: Самарқанд шаҳар ҳокимлиги ахборот хизмати
Ушбу ярмаркада вилоятда етиштирилаётган қишлоқ хўжалик маҳсулотлари ва чуқур қайта ишланган тайёр ва арзонлаштирилган озиқ-овқат (сут, гўшт, балиқ ва ун маҳсулотлари) ва кундалик эҳтиёж моллари ташкил этилади. Шунингдек, ҳудудда «Маde in Uzbekistan» трикотаж, кийим-кечак ва пойабзал ярмаркаси ҳам аҳоли учун хизмат кўрсатади.
Фото: Самарқанд шаҳар ҳокимлиги ахборот хизмати
Фото: Самарқанд шаҳар ҳокимлиги ахборот хизмати
Аввалроқ Оқдарёда қарийб 3 минг тонна қишлоқ хўжалиги маҳсулотлари захираси яратилгани ҳақида хабар берилганди.
