Тошкент шаҳар ҳокими Жаҳонгир Ортиқхўжаевнинг қачон меҳнат таътилига чиқиши маълум қилинди
Тошкент шаҳар ҳокими Жаҳонгир Ортиқхўжаевнинг меҳнат таътили баҳор фаслига кўчирилди. Бу ҳақда шаҳар ҳокимлиги матбуот хизмати хабар берди.
Аввалроқ Қорақалпоғистон Вазирлар Кенгаши раиси ва бешта вилоят раҳбарлари 17 январь куни 10 кунлик меҳнат таътилига чиққани хабар қилинган эди. Улар орасида Жаҳонгир Ортиқхўжаев ҳам бўлган. Таъкидланишича, 7 нафар раҳбар билан бир вақтда ушбу ҳудудларда фаолият юритувчи ҳоким ўринбосарлари, маслаҳатчилари ва сектор раҳбарларидан иборат 935 нафар масъул ҳам таътилга чиққан эди.
Эслатиб ўтамиз, Ўзбекистонда вилоят ҳокимлари режа асосида қисқа муддатли таътилга чиқа бошлаган. Қашқадарёдаги ҳокимлар ҳам тиббий кўрикдан ўтиш учун Тошкентга жўнаб кетган.