Тошкентда 25 ёшли йигит акасини пичоқлаб ўлдирганининг сабаби маълум қилинди — видео
Тошкент бозорларининг бирида 25 ёшли йигит акасини пичоқлаб ўлдиргани ҳақида хабар берилган эди. Воқеа юзасидан олиб борилган суриштирув натижаларига кўра, мазкур жиноятнинг сабаби аниқланди.
Маълум бўлишича, ака-ука савдодан тушган даромадни келиша олмаслик оқибатида ўзаро жанжал келиб чиққан. Укаси даллолчилик қилиб пул топадиган дўконидан пичоқ олиб чиқиб, акасининг ўнг тараф кўкрак қафасига бир марта пичоқ билан жароҳат етказган. Шундан сўнг А.Б. Тошкент вилояти Зангиота шифохонасига олиб борилган ва биринчи тез тиббий ёрдамга қарамасдан вафот этган.
Воқеа гувоҳларидан бирининг таъкидлашича, улар бозорда ишлаб юрган. Уларнинг орасида ҳали бундай ҳолат бўлганини ҳеч ким кўрмаган.
Таъкидланишича, акаси муқаддам бир неча маротаба судланган. Укаси ҳам август ойида жиноят содир этган. Бу содир этган жиноят иши тугалланмасдан ўз акасини пичоқлаб, яна жиноят содир этган. Ҳозирда жиноятни содир этган шахсга нисбатан Жиноят кодексининг 104-моддаси 3-қисмининг «д» банди билан жиноят иши қўзғатилиб, қамоққа олиш эҳтиёт чораси қўлланилган.
Аввалроқ Туркияда ўзбекистонлик эркак пичоқлаб ўлдирилгани ва Юнусободдаги метро бекати олдида аёл мурдаси қотиллик аломатлари билан топилдгани хабар қилинган эди.
