Surxondaryoda haydovchining ehtiyotsizligi oqibatida “Damas” kanalga tushib ketdi
Surxondaryo viloyatida haydovchining ehtiyotsizligi oqibatida “Damas” rusumli avtomashina kanalga tushib ketdi. Bu haqda Favqulodda vaziyatlar vazirligining axborot xizmati “TezNews.uz”ga xabar berdi.
Ma’lum qilishlaricha, Jarqo‘rg‘on tumani “G‘ur-g‘ur” mahallasi hududidan oqib o‘tuvchi Amuzang kanaliga 20-iyul kuni soat 08:25 lar atrofida fuqaro T.A.ga tegishli “Damas” rusumli avtomashina haydovchining ehtiyotsizligi oqibatida tushib ketdi.
Mazkur holat bo‘yicha viloyat FVB g‘avvos-qutqaruvchilari voqea joyiga chiqqan. Transport vositasi kanalning qaysi qismiga tushib ketganligiga aniqlik kiritilgan va tezkor harakatlar natijasida avtomashina suvdan olib chiqilgan.
Amaliy yordam ko‘rsatish ishlariga Favqulodda vaziyatlar boshqarmasidan 2 ta maxsus texnika, 10 nafar qutqaruvchi jalb qilingan.