Муниса Ризвева никоҳи ҳақида оммавий гапирган Аброр Мухтор Алини судга бермоқчи
Хонанда Тошкентга учиб келиши биланоқ ушбу масала билан шуғулланишини айтди.
Сўнгги бир неча кун давомида фойдаланувчилар диний уламо Аброр Мухтор Али ва Муниса Ризаева ўртасидаги можарони кузатиб келмоқда.
Қайд этилишича, Аброр Мухтор Али ижодкорнинг никоҳи ҳақида гапириб, ёлғон мишмишлар тарқата бошлаган.
“Хонанда барчага эри исломни қабул қилганини, ҳақиқий мусулмон эканлигини айтяпти. Бундай сўзлардан кейин улар меҳмонхоналарда шампан виноси ичиб юрганини кўриб турибмиз. Мен бошқаларнинг оиласини муҳокама қилмоқчи эмасман, аммо улар бошқаларни янглиш фикрга олиб келишини ҳам истамайман. Фойдаланувчилар буни кўриб, ҳавас қилаётганини кўриб турибмиз-ку”, – деган у.
Хусусан, илгарироқ хонанда қайлиғи билан алкоголь ичимликлар истеъмол қилмаслигини айтганди.
“Дўстлар, бизга газланган чой беришди. Бу ерда биз қайлиғим билан алкоголь ичмаслигимизни билишади”, – деган аёл.
Жумладан, Муниса Ризаева Тошкентга келгач, масалани суд орқали ҳал қилишини айтди.
