Вояга етмаган болани зўрлашда айбланиб Нурафшон шаҳар суд биносидан қочиб кетган эркак қўлга олинди
Тошкент вилояти Нурафшон туманида 21 октябрь куни соат 17:00 лар атрофида вояга етмаган болани зўрлашда айбланиб, Нурафшон шаҳар суди биносидан қочиб кетган эркак қўлга олинди. Бу ҳақда «Tez News»нинг Тошкент шаҳар ИИББдаги манбалари маълум қилди.
Фото: «Tez News»
Тошкент вилояти Нурафшон туманида 21 октябрь куни соат 17:00 лар атрофида вояга етмаган болани зўрлашда айбланаётган 34 ёшли эркак шаҳар суди биносидан қочиб кетган. Шундан сўнг Шерзод Абдулахатов ички ишлар органлари томонидан қўлга олинган.
Фото: «Tez News»
Абдулахатов Шерзод Самандарович, миллати ўзбек, вақтинча ишсиз. Унга нисбатан Жиноят кодексининг 118-моддаси (Номусга тегиш), 25-моддаси (Жиноятга тайёргарлик кўриш ва жиноят содир этишга суиқасд қилиш), 119-моддаси (Жинсий эҳтиёжни зўрлик ишлатиб, ғайритабиий усулда қондириш) билан жиноий иш қўзғатилган.
Фото: «Tez News»
Бундан ташқари, эркак илгари тўрт марта судланганлиги ҳақида хабар берилган:
- 2010 йил 1 январь — Россия суди томонидан Россия Федерацияси Жиноят кодексининг 213-моддаси (Безорилик) 1-қисми;
- 2014 йил 16 апрель — Жиноят ишлари бўйича Миробод туман суди томонидан Жиноят кодексининг 166-моддаси (Талончилик) 2-қисми «а» ва «б» банди;
- 2014 йил 19 сентябрь — Жиноят ишлари бўйича Бўка туман суди томонидан 119-модданинг (Жинсий эҳтиёжни зўрлик ишлатиб, ғайритабиий усулда қондириш) 1-қисми, 2-моддаси «а», «б» банди ҳамда Жиноят кодексининг 166-моддаси (Талончилик)
- 2017 йил 16 октябрь — Жиноят ишлари бўйича Қуйичирчиқ туман суди томонидан Жиноят кодексининг 169-моддаси (Ўғрилик) 2-қисмининг «д» банди билан айбдор деб топилган.
Аввалроқ Шерзод Абдулахатовнинг Нурафшон шаҳар суд биносидан қочиб кетганлиги хабар қилинганди.
