Ўзбекистонда вакцина синовида қатнашиш учун мурожаат қилганлар сони маълум бўлди
Ўзбекистонда 2020 йил 12 декабрда куни коронавирусга қарши Хитойнинг «Zhifei Loncom Biofarmaceutical» компанияси томонидан яратилган ZF 2001 вакцинасининг учинчи синов босқичига старт берилган эди. Бу ҳақда «Vaksinauz» каналида хабар берилди.
Фото: «Global Look Press»
Маълум қилинишича, Инновацион ривожланиш вазирлиги раҳбариятининг 20 та кўнгилли оила аъзолари Хитойдан олиб келинган рекомбинант вакцина билан биринчи дозада эмланган. Вакцина синовида 18 ёшдан катта, сурункали касалликларга чалинмаган, 5000 та кўнгилли иштирокчиларни жалб этиш режалаштирилган. Кўнгиллилар синов жараёнида жами уч доза вакцина билан эмланиши кўзда тутилган.
Хабарда айтилишича, 23 январь ҳолатига кўра, скринингга келган кўнгиллилар сони жами 9596 нафарни ташкил этган. Улардан 4281 нафар кўнгилли вакцинанинг 1-дозаси билан ва 251 нафар кўнгилли вакцинанинг 2-дозаси билан эмланган.
Кўнгиллилар вакцина синовида иштирок этиш учун ушбу ҳавола орқали рўйхатдан ўтишлари мумкин.
Мавзуга доир:
- Ўзбекистонда вакцина синовида қатнашмоқчи бўлганларнинг 30 фоизи коронавирусни аломатларсиз ўтказган — вазир
- Фото: Ўзбекистонда коронавирус вакцинасининг III фаза клиник синовлари ўтказилмоқда
- Ўзбекистонда «Pfizer» ва «BioNTech» вакцинаси билан биринчи галда кимлар эмланиши маълум қилинди
Аввалроқ Ўзбекистонда неча киши коронавирусга қарши вакцина олганлиги маълум қилинган эди.
