Тошкентда 17 ёшли қизга тегажаклик қилмоқчи бўлган эркак қамалди
Тошкент шаҳар Юнусобод туманида 17 май куни эркак 17 ёшли қизга тегажаклик қилмоқчи бўлганди.
Юнусобод туманида 17 ёшли К. М. уйига қайтаётганида эркак киши орқасидан келаётганини пайқаб қолган. Шундан сўнг, қиз қадамларини тезлатган ва уйининг йўлагига югуриб кирган. Кейинчалик эркак ҳам унинг орқасидан кирган. Кейин қиз бақириб юборган, эркак эса номаълум томонга қочиб кетган.
Қайд этилишича, гумонланувчи Ю.Б. ушланиб, Маъмурий жавобгарлик тўғрисидаги кодексининг 183 (Майда безорилик) ва 194-моддаси (Ички ишлар органлари ходимининг қонуний талабларини бажармаслик) билан жавобгарликка тортилган. Жиноят ишлари бўйича туман судининг қарорига асосан унга нисбатан 10 сутка маъмурий қамоқ ҳамда жарима жазоси тайинланган.
