Шавкат Мирзиёев Уругвай президентини мустақиллик куни билан табриклади
Шавкат Мирзиёев Уругвай мустақиллиги куни муносабати билан 25 август куни Уругвай президентига табрик йўллади. Бу ҳақида Президент матбуот хизмати хабар берди.
Фото: Президент матбуот хизмати
Маълум қилинишича, Шавкат Мирзиёев Уругвай мустақиллиги куни муносабати билан Президент Луис Альберто Лакалье Поуни табриклаган.
Маълумот учун, Уругвай 1825 йил 25 августида Бразилиядан мустақил бўлганини эълон қилган. Унгача уч йил давомида Уругвай Бразилия империяси таркибида бўлган.
Эслатиб ўтамиз, аввалроқ Шавкат Мирзиёев Афғонистон, Индонезия ва Украина президентларини Мустақиллик куни билан табриклагани хабар қилинган эди.
