Ўзбекистонга Волгабўйи орқали совуқ ҳаво оқими кириши кузатилади
Ўзбекистонга Волгабўйи орқали совуқ ҳаво оқимининг кириши кузатилади. Бу ҳақда «Ўзгидромет» хабар берди.
Фото: «Tez News»
Хабарга кўра, 27 октябрда Ўзбекистоннинг шимолий туманларига, 28—29 октябрда бутун Ўзбекистон ҳудудига Россиянинг Европа қисми (Москва вилояти)дан Волгабўйи орқали совуқ ҳаво оқимининг кириши кутилмоқда.
Фото: «Ўзгидромет»
Қайд этилишича, 27—28 октябрда Ўзбекистон бўйича айрим жойларда шамолнинг тезлиги 17—22 м/с гача кучайиши мумкин. Шунингдек, 28—29 октябрда ҳаво ҳарорати кечаси 0—3 даражагача пасаяди, айрим жойларда 1—2 даража совуқ бўлади, кундузи 10—13 даража илиқ бўлади.
Аввалроқ Ўзбекистонда октябрь ойи қандай об-ҳаво кузатилиши маълум қилингани, Ўзбекистонда дам олиш кунлари қандай об-ҳаво кузатилиши айтилгани ҳақида хабар қилинганди.
