Ўзбекистон ҳудудида 2 баллик зилзила қайд этилди

Фавқулодда вазиятлар вазирлиги Сейсмопрогностик мониторинг республика марказининг хабар беришича, 26 ноябрь, пайшанба куни Тошкент вақти билан соат 22:27 да Ўзбекистон ҳудудида кузатилган зилзила Афғонистонда содир бўлган.

Маълум бўлишича, зилзила магнитудаси М=5,5 чуқурлиги 10 километр. Зилзила эпицентридан Тошкентгача масофа жануби-шарқий йўналиш бўйича 529 километр бўлган.

Зилзила Ўзбекистон ҳудудида:

• Тошкент : 529 км, 2 балл;
• Наманган : 476 км, 2 балл;
• Андижон : 462 км, 2 балл;
• Фарғона : 409 км, 2 балл;
• Гулистон : 464 км, 2 балл;
• Жиззах : 472 км, 2 балл;
• Самарқанд : 487 км, 2 балл;
• Термиз : 345 км, 2 балл;
• Қарши : 524 км, 2 балл.

Аввалроқ Фарғонада 5 балл, Тошкент ва Сирдарё вилоятларида 2 балл, Андижонда 4 баллик зилзила кузатилгани ҳақида хабар берилганди.