Наманган шаҳрида уйида қулфланиб қолган 6 ёшли қиз қутқарилди (фото)
Наманган шаҳрида 26 октябрь куни уйда қулфланиб қолган 6 ёшли қиз қутқарилди. Бу ҳақда вилоят Фавқулотда вазиятлар бошқармаси хабар берди.
Фото: Наманган вилоят Фавқулотда вазиятлар бошқармаси
Маълум қилинишича, 26 октябрь куни Наманган шаҳар 5-а кичик тумандаги кўп қаватли уйдаги хонадонлардан бирининг темир эшиги қулфланиб қолган.
Фото: Наманган вилоят Фавқулотда вазиятлар бошқармаси
Уйда олти ёшли қизалоқ қолиб кетган. Фуқаро фарзандидан ҳавотирланаётганлигини билдириб, вилоят Фавқулотда вазиятлар бошқармаси навбатчи диспетчерлик хизматига мурожаат қилган.
Фото: Наманган вилоят Фавқулотда вазиятлар бошқармаси
Қайд этилишича, воқеа жойига вилоят ёнғин-қутқарув отряди қутқарувчилари етиб борган. Махсус асбоб-анжомлар ёрдамида кўп қаватли уйнинг хонадонига кирган. Шунингдек, 6 ёшли қизалоқни олиб чиқиб, онасига топширган.
Аввалроқ Самарқанд шаҳрида уйида қулфланиб қолган 3 ёшли қиз, Норин туманида эса уйига қамалиб қолган бола қутқарилганди. Шунингдек, Пайариқда уйида қулфланиб қолган бир ёшли қиз, Фарғонада эса кўп қаватли уйда қулфланиб қолган 2 ёшли бола қутқарилгани хабар қилинганди.
