Ўзбекистоннинг 30 та олийгоҳи дунёдаги етакчи ОТМ рўйхатига киритилди

Ўзбекистоннинг 30 олий таълим муассасаси дунёдайи етакчи олийгоҳлар рўйхатига киритилди.

Қайд этилишича, Олий таълим муассасаларининг нуфузли халқаро рейтинги ҳисобланган «Times Higher Education» ўзининг 2022 йил учун Impact рейтинги (THE Impact Rankings 2022) натижаларини эълон қилган.

Топ-30 рўйхатида Тошкент давлат аграр университети 56,6 кўрсаткичи биринчи ўринни эгаллаган. Тошкент давлат юридик университети 53,75 кўрсаткич билан иккинчи, Тошкент тиббиёт академияси эса 52,8 кўрсаткич билан учинчи ўринни олган.

«Қувонарлиси, илк бор юртимизнинг 30 та олий таълим муассасаси ушбу рейтингдан ўрин эгаллади.

Маълумот учун, 2021 йилда ушбу рейтингга 10 та олий таълим муассасаси кирган эди. Ўтган йили ушбу рейтингда 94 та давлатдан 1000 га яқин олий таълим муассасалари иштирок этган бўлса, 2022 йилда 110 та давлатдан 1500 дан ортиқ олий таълим муассасалари қатнашди», дейилади хабарда.