Андижон шаҳрида 5 нафар мактаб битирувчисига жами 138 млн сўм кредит берилди
Андижон шаҳрида 30 сентябрь куни 5 нафар мактаб битирувчисига жами 138 миллион сўм кредит берилди. Бу ҳақда шаҳар ҳокимлиги матбуот хизмати хабар берди.
![](https://teznews.uz/wp-content/uploads/2020/09/photo_2020-09-30_19-09-32.jpg)
Фото: Андижон шахар ҳокимлиги матбуот хизмати
Маълум қилинишича, Андижон шаҳар ҳокими Баҳром Ҳайдаров 30 сентябрь куни шаҳар биринчи сектор штаби биносида 5 нафар мактаб битирувчисига 5 миллион сўмдан 30 миллион сўмгача — жами 138 миллион сўм миқдорида бўлган имтиёзли кредитлар топширди.
Қайд этилишича, кредит олган ёшлар тадбиркорликнинг тикувчилик, пазандачилик, новвойчилик йўналишларида фаолиятини бошлаб, ўзи тенгдош ёшларни иш билан таъминлайди.
![](https://teznews.uz/wp-content/uploads/2020/09/photo_2020-09-30_19-09-42.jpg)
Фото: Андижон шахар ҳокимлиги матбуот хизмати
Эслатиб ўтамиз, аввалроқ Жалақудуқда 33 нафар мактаб битирувчисига тикув машиналари топширилганди. Шунингдек, Aндижон шаҳрида 25 нафар мактаб битирувчисига 5 миллион сўмдан кредит берилгани хабар қилинди.