Алишер Султонов «Ўзбекнефтьгаз»га 400 млрд сўмдан ортиқ маблағ нега ажратилганини тушунтирди — видeo
Энергетика вазири Алишер Султонов 21 ноябрь куни «Alter Ego» YouTube каналига берган интервьюсида «Ўзбекнефьтгаз»га ажратилган 400,9 миллиард сўм субсидия ҳақида фикр билдирди.
Маълум бўлишича, сентябрь ойида «Ўзбекнефьтгаз» акциядорлик жамиятига 400,9 миллиард сўм ажратилган. Шундан сўнг депутат Дониёр Ғаниев ҳукуматни субсидиялар ажратаётгани учун танқид қилган ва унинг баёнотлари молия вазири Тимур Имшетов томонидан қўллаб-қувватланган. Энергетика вазири Алишер Султонов «Alter Ego»га берган интервьюсида ушбу маблағнинг нега ажратилганини тушунтирди.
Унинг сўзларига кўра, сўнгги 30–35 йил ичида «Ўзбекнефьтгаз» компаниясини банкрот қилиш учун ҳамма нарса қилинган. Шунингдек, узоқ йиллар давомида геологик қидирув ишларини ривожлантиришга ҳеч қандай маблағ киритилмаган.
Интервью давомида Султоновнинг ўзи илгари ушбу компанияда раҳбар лавозимида ишлаганини айтди. У 2013 йилдан 2015 йилгача «Ўзбекнефтьгаз»нинг прогнозлаш, ресурслар ва инвестиция дастурлари бош бошқармаси бошлиғи — бошқарув раисининг биринчи ўринбосари, 2015–2018 йилларда «Ўзбекнефтьгаз» раиси сифатида ишлаган.
«Депутатлардан бири менга компания 2017 йилда банкрот бўлганини айтган. Нима учун? Ҳар йили баланс тузилади, чунки нефть ва газ саноати учун ишлаб чиқаришнинг пасайиши билан мувозанат тузилади. Бу аввалдан кўзда тутилган эди. Геологик разведка учун маблағ сарфланмаган. Бу худди пойдеворсиз бино қуришга ўхшайди.
Ўз вақтида ʼЎзбекнефтьгазʼ гегемон бўлган, у вазирлик ҳамда иқтисодий субъект ҳисобланган. Хусусан, унинг барча функциялари тақсимланган. Вазирлик ва компанияни тарқатиб юбориш тизимини яратган», — деди Алишер Султонов.
Аввалроқ Фарғона нефтни қайта ишлаш заводида ГДС қурилмаси ишга туширилгани ҳақида хабар берилганди. Шунингдек, Бухорода нефть маҳсулотларини жўнатишда 62,1 миллион сўм асоссиз қўшимча ҳақ ундирилгани аниқлангани ҳақида хабар берилган.
