Нигерияда COVID-19 туфайли очарчилик бошланди — видео
Африканинг Нигерия мамлакатида коронавируснинг иккинчи тўлқини пайтида очарчилик юзага келди. Бу ҳақда «Ateo Breaking» канали хабар берди.
Видеодан скрин
Таъкидланишича, ҳукумат дўконларга озиқ-овқат етказиб берилишини тақиқлаб қўйган. Расмийларнинг фикрига кўра, бундай тақиқ коронавирус тарқалишининг олдини олади.
Бундан ташқари, Нигериянинг туб аҳолиси озиқ-овқат ва сув кам бўлган қочқинлар лагерларида қолишга мажбур бўлмоқда. Об-ҳаво шароити ҳам вазиятни янада оғирлаштирмоқда. Мамлакатда миллионлаб одамлар очлик туфайли ўлиши мумкин.
Айни шу тақиқ тўғрисидаги қарор туфайли одамлар дўконлар ва озиқ-овқат омборларига бостириб кирмоқда.
МАълумот учун, Нигерияда 30 декабрь ҳолатига кўра, 85 560 киши COVID-19 билан касалланган. Мамлакатдаги ўлимлар сони 1 267 тани ташкил этмоқда. Вирусдан тузалганлар 71 937 кишига етган, 12 356 нафар фуқаро шифохоналарда даволанмоқда.
Аввалроқ нигериялик мутахассислар томонидан мамлакатда коронавирус инфекциясининг янги тури пайдо бўлгани маълум қилинган эди.
