Наманганда яна 15 киши коронавирусга чалинди
Ўзбекистонда коронавирус инфекцияси қайд этилганлар 31 июль соат 10:00 ҳолатига кўра, 287 кишига ошиб, жами касалланганлар сони 23 558 нафарни ташкил этмоқда. Бу ҳақда Соғлиқни сақлаш вазирлиги хабар берди.
Шулардан 15 нафари Наманган вилоятида қайд этилди.
Янги касалланганларнинг барчаси коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.
Вилоятда жами касалланганлар 745 нафарга етиб, улардан 558 нафари соғайган. Ўлим ҳолатлари эса бештани ташкил этмоқда.
Айни пайтда мамлакатда 13 680 нафар коронавирус инфекциясига чалинган фуқаро (58 фоиз) соғайган.
Ҳозирда 9741 нафар беморга шифокорлар томонидан белгиланган стандартлар бўйича даво чоралари кўрилмоқда. Улардан 436 нафари оғир, 181 нафари эса ўта оғир аҳволда.
