Тошкентда йўловчи автобуси тўлиқ ёниб кетди
Тошкент шаҳрининг Мирзо Улуғбек туманида автобус саройи ҳудудида жойлашган автобуслардан бирида ёнғин чиқди. Бу ҳақда ФВББ матбуот хизмати хабар берди.
Хусусан, 5-сонли автобус саройида автобусдаги ёнғин ҳақида 13-январ куни соат 02:16 да ФВББга хабар келиб тушган.
Шундан сўнг қутқарув экипажлари айтилган манзилга соат 02:22 да етиб бориб, ёнғин соат 02:32 да ўчирилган.
Қайд этилишича, айтилган манзилда 5-автосаройга қарашли автобус ёниб зарарланган.
Ҳодиса оқибатида жароҳатланганлар йўқлиги билдирилди.
