Тошкентда мижозининг неварасига тегажоғлик қилган электрик 5 суткага қамалди 

Тошкентда мижозининг неварасига тегажоғлик, қилганликда айбланган электрик жазога тортилди. Бу ҳақда суд карорига таяниб, Nova.uz нашри ҳабар беради.

Ҳодиса Тошкент шаҳрининг Юнусобод туманида содир бўлган. Аниқланишича, аёл уйга электрикни чақирган. Шундан сўнг, бир эркак чақирув бўйича этиб келиб, ҳожатхонадаги носозликни тузата бошлаган. Ўша пайтда уйда аёлнинг набираси ҳам бўлган.

Маълум бўлишича, эркак қизни олдига чақириб, бир ўзи барчасини таъмирлай олмаслигини айтган. Эркак ундан ёрдам сўраб,  сонгра қизга шаҳвоний шилқимлик қилган ва белининг юқори қисмларига қўл теккизган.

Шундан сўнг, ушбу воқеадан, қизнинг бувиси ҳабар топиб, тегишли ҳуқуқ-тартибот идораларига мурожаат қилган.

Бироқ эркак ҳибсга олинганда, у айбдор эмаслигини ва қизни безовта қилмаганини айтган.

Натижада, Туман суди эркакни 41-1-модда (Жинсий зўравонлик) билан айбдор деб топиб, 5 суткага қамоққа олиш жазосини тайинлаган.