Сурхондарёда «Nexia» ва «Жигули» машиналари тўқнашуви оқибатида 3 киши ҳалок бўлди
Сурхондарё вилоятининг Сариёси туманида ЙТҲ содир бўлиб, унинг оқибатида 3 киши ҳалок бўлди. Бу ҳақда вилоят ЙҲХБ матбуот хизмати хабар беради.
Бахтсиз ҳодиса 17 сентябрь куни соат 03:15 атрофида содир бўлган. Аниқлик киритилишича, 20 ёшли Nexia-2 ҳайдовчиси (ҳужжатсиз) Деновдан Сариосиё томон кетаётган бўлган. 19 ёшли йигит (шунингдек лицензиясиз) бошқарувидаги ВАЗ-2107 русумли автомашина билан тўқнашиб кетган.
Ҳодиса оқибатида ВАЗ-2107 автомашинасининг уч нафар йўловчиси (ҳайдовчининг синфдошлари) воқеа жойида ҳалок бўлган, қолган фуқаролар шифохонага етказилган.
Ҳолат юзасидан жиноят иши қўзғатилиб, ҳуқуқ-тартибот идоралари ходимлари томонидан тергов ҳаракатлари олиб борилмоқда.
