Тошкентда Nexia-2 ҳайдовчиси тўхтаб турган юк машинасига урилиб кетди
Тошкент шаҳрининг Мирзо Улуғбек туманида йўл-транспорт ҳодисаси содир бўлиши натижасида икки киши жабрланди. Бу ҳақда пойтахт ЙҲХБ матбуот хизмати хабар беради.
ЙТҲ 11 сентябрь куни соат 17:15 да Янги Ўзбекистон кўчасида содир бўлган. Аниқлик киритилишича, «Nexia-2» автомашинасининг 27 ёшли ҳайдовчиси М. бошқарувни йўқотиб, йўл четида турган «Iveco» русумли юк машинасига бориб урилган.
Йўл-транспорт ҳодисаси натижасида Nexia-2 ҳайдовчиси ва йўловчиси тан жароҳати олди, — дейилади хабарда.
Ҳозирда ҳуқуқ-тартибот идоралари ходимлари томонидан терговга қадар текширув ишлари олиб борилмоқда.
