Сербиядаги норозилик намойишларида 60 дан ортиқ киши жароҳат олди
Сербияда катта норозилик намойишлари бўлиб ўтиб, натижада 60 дан ортиқ киши жароҳатланди. Бу ҳақда мамлакат президенти Александр Вучичга таяниб, Kurir газетаси хабар берди.
Президентнинг сўзларига кўра, Нови Садда 1695 га яқин инсон, Белград ва унинг атрофида эса 3000 дан ортиқ иштирокчи намойишга чиққан. Бир қатор жойларда фуқаролар ва полициячиларга ҳужум қилиш, мулкка зарар етказиш ҳолатлари қайд этилган.
Вучич, қурбонлар орасида оғир жароҳат олган икки полициячи ҳамда тошлар билан ҳужумга учраган Сербия махсус кучларининг «Кобра» бўлинмасининг беш нафар ходими борлиги маълум қилган.
Сербия раҳбари норозилик намойишлари чоғида турли буюмлар ва қуроллар қўллангани ва ҳужумларда иштирок этганларнинг барчаси ҳибсга олинишини айтди. Зўравонликка ёки одамларга зарар етказишга йўл қўйимаcлиги таъкидланди.
