Тошкентда Lacetti ва скутер иштирокида автоҳалокат содир бўлди
Тошкент шаҳри Чилонзор туманида 24 ноябрь куни Lacetti ва скутер иштирокида йўл-транспорт ҳодисаси содир бўлди. Бу ҳақда пойтахт ЙҲХБ ахборот хизмати хабар берди.
Маълум қилинишича, ҳодиса 01:10 атрофида КҲАЙ-Қатортол кўчалари кесишмасида содир бўлган. 1971 йилда туғилган ҳайдовчи Д.Ж. бошқарувидаги Lacetti 2004 йилда туғилган Д.А. бошқарувидаги скутер билан тўқнашган.
ЙТҲ оқибатида скутер транспорт воситасининг ҳайдовчисига биринчи тиббий ёрдам кўрсатиш мақсадида шифохонага олиб кетилган. Мазкур ҳолат юзасидан ЙҲХБ маъсул ходимлари томонидан суриштирув ишлари олиб борилмоқда.
