Лос-Анжелесда 50 дан ортиқ намойишчи ҳибсга олинди
Лос-Анжелесда дам олиш кунлари давомида ноқонуний муҳожирлар депортациясига қарши намойишлар чоғида 56 киши ҳибсга олинди. Бу ҳақда NBC News хабар берди.
Полиция маълумотларига кўра, ҳибсга олинганлардан бири ҳуқуқ-тартибот ходимига Молотов коктейли отган, яна бири эса полициячини мотоцикл билан уриб кетганликда айбланмоқда.
Қайд қилинишича, Лос-Анжелес полицияси бошлиғи Жим Макдонеллнинг билдиришича, 7 июнь куни 29 киши ҳибсга олинган. Полиция департаменти капитани Раул Ховел эса 8 июнь куни яна 10 киши қўлга олинганини маълум қилган.
Шунингдек, Калифорниядан Вашингтон штатигача чўзилган йўлларда йўл-патруль хизмати томонидан яна 17 намойишчи ушланган.
Ушбу норозилик намойишлари ўтган ҳафтадан буён давом этмоқда ва АҚШнинг Иммиграция ва божхона хизмати томонидан ноқонуний муҳожирларни депортация қилиш бўйича олиб борилаётган ҳаракатларга қарши қаратилган.
