Россияда мигрантларга оид янги фармон эълон қилинди

Россия Президенти Владимир Путин ноқонуний яшаётган чет элликлар ва фуқаролиги бўлмаган шахсларнинг ҳуқуқий мақомини тартибга солиш ёки мамлакатни тарк этиш муддатини узайтириш тўғрисида фармон имзолади. Фармон матни норматив-ҳуқуқий ҳужжатлар порталида эълон қилинди.

Фармон билан «Россия Федерациясида чиқариб юбориш режими қўлланилиши муносабати билан чет эл фуқаролари ва фуқаролиги бўлмаган шахсларнинг айрим тоифаларининг ҳуқуқий ҳолатини тартибга солиш бўйича вақтинчалик чора-тадбирлар тўғрисида»ги қонуннинг айрим қоидаларига ўзгартиришлар киритилган.

Хусусан, муддат 30 апрелдан 10 сентябрга узайтирилган.

Эслатиб ўтамиз, 5 февралдан бошлаб Россияда ноқонуний чет элликларни чиқариб юбориш бўйича махсус тартиб жорий қилинганди.