Ўзбекистонда дарё ўзанларида қум ва шағал қазиб олишга муддатсиз мораторий жорий этилди
Экология вазирлиги Чирчиқ, Сирдарё, Сангзор, Зарафшон, Норин, Қашқадарё ва Сурхондарё ҳавзалари ҳудудларида қум-шағал қазиб олишга муддатсиз мораторий жорий қилди, деб ёзади Norma.
Белгиланган жойларда қум ва шағал қазиб олиш тақиқланади, уларга қуйидагилар киради:
• дарё ўзанлари;
• қирғоқ ҳудудлари;
• муҳофаза қилинадиган сув ҳудудлари.
Қум ва шағал материалларини қазиб олиш ҳуқуқини фақат «E-auksion» электрон платформаси орқали олиш мумкин.
Шунингдек, корхоналар атроф-муҳитга таъсирини камайтириш учун махсус саноат ёки кичик саноат зоналарига кўчишлари керак бўлади.