Россияда 16 ёшли қизни зўрламоқчи бўлган ўзбекистонлик қўлга олинди
Россиянинг Санкт-Петербург шаҳрида 16 ёшли қизни зўрламоқчи бўлган 41 ёшли Ўзбекистон фуқароси қўлга олинди.
Ҳодиса 1 январга ўтар кечаси Звенигорская кўчасида содир бўлган. Гумонланувчи вояга етмаган жабрланувчини кўпқаватли уйнинг зинапоясида учратиб қолган.
Тергов маълумотларига кўра, аввалига у қизни бўғиб ўлдирмоқчи бўлган, сўнгра кийимларини йиртиб ташлаган. Ўз навбатида, қиз агрессив қаршилик кўрсатган ва эркакка енгил жароҳатлар етказиб, қочишга муваффақ бўлган, дейилади хабарда.
Ўзбекистон фуқароси 2 январь куни қўлга олинди, унга зўрлашга уриниш ва жинсий зўравонлик айби қўйилди. Шунингдек, у Россияда рўйхатдан ўтмасдан юргани маълум бўлди.
