Тошкентда фирибгарликда айбланган ва қидирувда бўлган шахс ушланди

Янгийўл туманида фирибгарликда айбланиб, қидирувда бўлган фуқаро ушланди. Бу ҳақда Тошкент вилояти ички ишлар бош бошқармаси матбуот хизмати хабар беради.

Ҳабар қилинишича, 22 август куни тунги рейд давомида, профилактика инспектори қидирувда бўлган шахснинг тавсифига мос келадиган эркакни пайқаб қолган. Шундан сўнг, инспектор ушбу шахсдан гумон қилиб, уни тохтатган.

Натижада, қўлга олинган шахс Жиноят кодексининг 168-моддаси 4-қисми («Фирибгарлик») билан айбланаётган 30 ёшли шахс бўлиб чиқган.

Маълумотларга кўра, айбланувчи ўтган йилнинг октабр ойида автомобиль эгасининг ишончига кириб, 10 кун ичида «Onix» автомобили учун 21 минг доллар тўлашга ваъда берган. Бироқ, эркак автомобилни қолга кириб, фирибгарлик йўли билан автомашинани бошқа шахсга сотиб юборган.

Шу билан бирга, фуқаро олинган пулларни шахсий эҳтиёжи учун ишлатиб юборган. Ҳозирда, суд томонидан унга нисбатан сиртдан қамоққа олиш тарзидаги эҳтиёт чорасини қўллаш бўйича ажрим чиқарилган.

Маълум қилинишича, қўлга олинган шахс 10 йилгача озодликдан маҳрум этилиши мумкин.

Тошкентда фирибгарликда айбланган ва қидирувда бўлган шахс ушланди