Британия, Австралия, Канада ва Португалия Фаластинни давлат сифатида тан олишди
Буюк Британия, Австралия, Канада ва Португалия давлатлари расман Фаластинни тан олди. Бу ҳақда ушбу давлатларнинг бош вазирлари 21 сентябрь куни баёнот берди.
Жумладан, Британия, Австралия, Канада бош вазирлари: Кир Стармер, Энтони Альбанезе ва Марк Карни мазкур чорани «икки давлат тамойили асосидаги муаммони ҳал этиш жараёнига янги туртки бериш мақсадида мувофиқлаштирилган халқаро саъй-ҳаракатларнинг бир қисми» сифатида баҳолаб, тегишли баёнотлар билан чиқишган.
Бугун фаластинликлар ва исроилликлар учун тинчлик ва икки давлат қарорига бўлган умидни тиклаш учун Буюк Британия Фаластин давлатини расман тан олади, — деб ёзди Кир Стармер ўзининг Facebook саҳифасида.
Шу ўринда, Марк карни «Канадахам Фаластин давлатини тан олиши, Фаластин ва Исроил давлатлари учун тинч келажакни амалга ошириш учун ҳамкорликни таклиф қилади», деб билдирган.
Шунингдек, Австралия Бош вазири, «Фаластиннинг тан олиниши тинчлик, хавфсизлик ва фаровонлик сари олға қадам» эканлигини таъкидлади.
Кейинроқ Португалия Ташқи ишлар вазири Паулу Ранжел ҳам ўз мамлакати Фаластин давлатини расман тан олганини эълон қилди.
Вазир, Португалия Фаластин-Исроил можаросини икки давлат асосида ҳал этишни қўллаб-қувватлашини тасдиқлади.
