Тошкент — Самарқанд йўналишига қўшимча «Афросиёб» поезди йўлга қўйилади

15 декабрдан Тошкентдан Самарқандга қўшимча Афросиёб поезди йўлга қўйилади. Бу ҳақида «Темирйўлекспресс» матбуот хизмати хабар бермоқда.

Йўловчиларга қулайлик яратиш мақсадида ташкил этилган 775/776-сонли Самарқанд-Тошкент-Самарқанд йўналишида юқори тезликда поезд ҳаракати 15 декабрдан бошланади.

Қатновлар 15−31 декабрь ҳамда 3−12 январь кунлари оралиғида ҳафтанинг жума, шанба ва якшанба кунлари амалга оширилади.

Поезд жадвали қуйидагича:

775-сонли Самарқанд-Тошкент йўловчи:

— Самарқанд 10:55 — Тошкент 13:15;

776-сонли Тошкент йўловчи-Самарқанд йўналиши:

— Тошкент 13:56 — Самарқанд 16:14.

Шунингдек, компания йўловчилардан чиптада белгиланган вақтга қараб вокзалга етиб келишларини сўраган.

Аввалроқ, Тошкент — Хива йўналишига «Афросиёб» поезди йўлга қўйилгани ҳақида хабарлар рад этилган эди.