Қорақалпоғистондаги кўл атрофида кучли ёнғин юз берди
27 июль куни Қорақалпоғистондаги «Судочье» кўли атрофидаги қамишзор ёнгани аниқланди. Бу ҳақда Zamon.uz хабар бермоқда.
Фото: видео лавҳадан
Хабарга кўра, ёнғин содир бўлган ерда қамиш ўсади, ёнғин кўл ўртасида содир бўлгани сабабли боришнинг иложи бўлмаган. Дастлабки ўрганиш натижаларига кўра ёнғин ҳаво ҳарорати аномал даражада кескин кўтарилиб, жуда қаттиқ исиб кетиши сабабли келиб чиққанлиги тахмин этилмоқда.
Қайд этилишича, ҳодиса Қорақалпоғистон Экология қўмитасининг Қўнғирот туман инспекцияси ва Судочье-Ақпеткей давлат буюртма қўриқхонасининг давлат инспекторлари томонидан ўрганилган.
Ушбу ҳолат юзасидан тегишли ҳужжатлар тайёрланмоқда.
