Тошкентда кунига 2 тоннага яқин нон чиқиндига ташланмоқда
Тошкент шаҳрида бир кунда жами 2 тоннага яқин нон чиқиндига ташлаб юборилмоқда.
Таъкидланишича, пойтахт бўйича 606 та чиқинди йиғиш майдончаси мавжуд. Уларнинг 71 фоизи «Тошкент шаҳар махсустранс» ишлаб чиқариш бошқармасига, қолган 29 фоизи эса хусусий хизмат кўрсатиш шохобчаларига тегишли.
Шаҳар бўйича 1000 та чиқинди шохобчасининг ҳар биридан кунига 2–3 килограмдан жами 2 тоннага яқин нон чиқиндига олиб чиқиб ташланади. Ишчилар бу нонларнинг яхшиларини мол-қўй боқадиган одамларга бериб юборади. Моғорлаганларини эса ариққа оқизишга мажбур бўлади.
