Сотувга қўйилган ушбу автомобилларнинг барчаси PPP авторақамларига эга. Бу ҳақда «Газета.uz» хабар берди.
Фото: Газета.uz
Хабарга кўра, учта Mercedes Benz E240, битта Mercedes Benz E320 автомобиллари бўлиб, барчаси техник жиҳатдан хизматга яроқли. Автомобиллар қора рангда, 2003−2004 йилларда ишлаб чиқарилган. Юрган масофаси 378 325 дан 854 240 км гача.
Шунингдек, қайд этилишича, бошланғич нархлар — 129,6 миллион сўмдан 136 миллион сумгача.
Таъкидланишича, ким ошди савдосига 1996 йилда ишлаб чиқарилган, юрган масофаси 352 110 км га тенг бўлган, оқ рангдаги Mercedes Benz 412 D KA ҳам қўйилган бўлиб, унинг бошланғич нархи 188,1 миллион сўмга тенг.
