Ўзбекистон МДҲда энг бахтли мамлакат деб топилди
Ўзбекистон « World Happieness Report»нинг энг бахтли давлатлар рейтингида 143 давлат орасидан 47-ўринни эгаллади.
Рейтингни шакллантиришда аҳоли жон бошига ялпи ички маҳсулот, аҳолини ижтимоий қўллаб-қувватлаш даражаси, ўртача умр кўриш давомийлиги, фуқароларнинг эркинликларини ҳурмат қилиш, иш ўринлари хавфсизлиги, коррупция даражаси каби кўрсаткичлар, шунингдек, жамоатчилик фикрини ўрганиш натижалари ҳисобга олинди.
Марказий Осиё давлатларидан:
- Қозоғистон — 49-ўринда;
- Қирғизистон — 75-ўринда;
- Тожикистон — 88-ўринда;
- Туркманистон рўйхатда йўқ.
Финляндия еттинчи йил кетма-кет дунёдаги энг бахтли давлат деб топилди. Афғонистон охирги ўринда.
