Ўзбекистон мобиль интернет арзонлиги бўйича дунё рейтингида нечанчи ўринни эгаллагани маълум қилинди

Британиянинг Cable.co.uk портали дунёдаги мобиль интернет нархлари тўғрисидаги маълумотларни эълон қилган. 

Маълум бўлишича, Ўзбекистон 230 мамлакат орасида 21-ўринни эгаллаган. Бир йил давомида мамлакат кўрсаткичларини 33 поғонага яхшилаб олган. Унга кўра, Ўзбекистонда 1 Gb мобиль интернет нархи ўртача нархи – $0,6 эканлиги қайд этилди.

Бундан ташқари, 2020 февраль ойида Ўзбекистонда 1 Gb мобиль интернет нархи 1,34 АҚШ долларини ташкил этган ва мобиль интернет нархи арзонлиги бўйича рўйхатда Ўзбекистон 54-ўринни эгаллаган эди.

Аввалроқ, Ўзбекистон мобиль интернет тезлиги бўйича жаҳон рейтингида нечанчи ўринни эгаллагани маълум қилинди деб хабар қилган эдик.