Ёшлар ишлари агентлиги Самарқанд вилояти бошқармасига бошлиқ тайинланди
Ҳусан Тўхтаев Ўзбекистон Ёшлар ишлари агентлиги Самарқанд вилояти бошқармаси бошлиғи этиб тайинланди. Бу ҳақда Самарқанд шаҳар ҳокимлиги ахборот хизмати хабар берди.
Фото: Самарқанд шаҳар ҳокимлиги ахборот хизмати
Бунга қадар Ҳусан Тўхтаев Самарқанд давлат университети ёшлари етакчиси эди. Энди у вилоят ёшларига бошчилик қилади.
Маълумот учун, 30 июнь куни Президент фармони билан ёшлар сиёсати соҳасидаги қонун ҳужжатларига риоя этилиши устидан давлат назоратини амалга оширувчи янги орган — Ёшлар ишлари агентлиги ташкил этилган эди.
Аввалроқ Алишер Саъдуллаев Ўзбекистон Ёшлар ишлари агентлигига директор этиб тайинлангани ҳақида хабар берилган эди.
