Бухорода келинини пичоқлаган шахс қамалди
Бухорода спиртли ичимлик таъсирида қайнота келинини пичоқлаб, 7 йилга қамалди. Бу ҳақда Олий суд матбуот хизмати хабар берди.
2024 йил охирида содир бўлган қотиллик ҳолати юзасидан кўриб чиқилган суд ишига оид ҳукм жорий йилнинг июн ойида ўқиб эшиттирилган.
Маълум қилинишича, у Тошкент вилоятида туғилган бўлиб, Бухорода узоқ йиллардан буён истиқомат қилиб келган. Суд материалларига кўра, эркак спиртли ичимлик ичганидан сўнг келини билан тортишиб, жаҳл устида ошхона пичоғи билан унинг қорин ва қорин усти қисмига зарба берган.
Жароҳат олган аёл қўшниларидан ёрдам сўраган, аммо кўрсатилган тиббий ёрдамга қарамай, касалхонада вафот этган.
Қайнота судда қилмишидан пушаймон эканини билдирган. Жиноят кодексининг 97-моддаси (қасддан одам ўлдириш) билан унга нисбатан жиноят иши қўзғатилиб, Когон шаҳар суди томонидан 7 йилга озодликдан маҳрум этилди.
