Тошкент аэропортида тўппонча билан юрган хорижлик қўлга олинди
«Тошкент» халқаро аэропортида божхоначилар пневматик қуролни яширинча олиб ўтмоқчи бўлган хорижликни қўлга олди. Бу ҳақда «Тошкент-АЭРО» ихтисослаштирилган божхона комплекси матбуот хизмати хабар беради.
Аниқлик киритилишича, 21 август куни аэропорт чегара ва божхона пости ходимлари Санкт-Петербургдан пойтахтга рейс билан келган фуқаронинг юкини кўздан кечиришган.
Юкни кўздан кечириш натижасида, божхона назоратидан ўтказиш учун белгиланган тартибда расмийлаштирилмаган, тегишли рухсатномасиз ўқ отиш учун пневматик тўппонча ва 290 дона пўлат ўқлар аниқланган.
Ҳозирда, ҳуқуқ-тартибот органлари томонидан суриштирув ишларини олиб борилаётани маълум қилинган.
