Ўзбекистонда врачларнинг ойлиги ва харажатлари ҳақида маълумот берилди
«Врачи Узбекистана» Telegram каналида Ўзбекистонда врачларнинг ойлиги ва режаланмаган харажатлари ҳақида маълумот берилди.
Инфографика: «Врачи Узбекистана»
Меҳнат вазирлиги порталидан Бўш иш ўринлари учун ваканциялар рўйхатида Врачларнинг 1 ставкаси учун белгиланган ойлик кўрсатилган:
- УАШ ойлиги 1 миллион 837 минг сўм;
- Тор мутахассис 1 миллион 670 минг сўм.
Бу ойликларда 12 фоиз даромад ва 1 фоиз пенционний жами 13 фоиз солиқ айрилганда:
- 1 миллион 837 минг — 13 фоиз = 1 миллион 598 минг сўм;
- 1 миллион 670 минг — 13 фоиз = 1 миллион 453 минг сўмни ташкил этади.
Шунингдек, УАШ ва Тор мутахассис кунлик чиқимлари. Ўртача:
- 10 минг сўм йўлкира Поликлиникага боришга келишга;
- 15 минг сўм тушликка;
- 20 минг сўм уйларга бориб бемор кўришга йилкира.
Шуларни қўшиб юқоридаги ойликдан яна айирганда ўртача 40 минг сўмдан 22 кун иш куни 880 минг сўм:
- 1 миллион 598 минг — 880 минг сўм = 678 минг сўм
- 1 миллион 453 минг — 880 минг сўм = 533 минг сўм.
Хабарга кўра, бундан ташқари қуйидаги режаланмаган чиқимлар мавжуд:
- деворий газета, стенд;
- гултувак, гул;
- комиссияга пул йиғиш;
- фондлар;
- главврач ва касбдошлар туғилган куни;
- порталчи беморлар ва бошқа чиқимлар.
Таъкидланишича, охирида шу чиқимлардан ташқари УАШ қўлига ўртача 400 минг сўм, Тор мутахассис қўлида эса 350 минг сўм пул қолади.
