Британияда олимлар ўпка саратонининг янги аломатини аниқлади

Буюк Британияда олимлар қўлтиқ остидаги шишлар ўпка саратонининг янги аломати бўлиши мумкинлигини аниқлади. Бу ҳақда «Express» маълум қилди.

Фото: «Shutterstock»

Хабарда таъкидланишича, ўпка саратони одатда саратон бошқа жойларга ўтмагунча ҳеч қандай аломат кўрсатмайди. Аммо қўлтиқ ости ёки бўйиндаги шишлар касалликнинг лимфа тугунларига ўтганини билдириши мумкин.

Шишган жойлар ўпка саратони танадаги лимфа тугунларини кўпайтирганидан дарак беради. Шунингдек, олимлар лимфа тугунлари юқумли касалликларда ҳам катталашиши мумкинлигини таъкидлаган.

Ўпка саратонининг нисбатан кам учрайдиган аломатларига бармоқ суяги учлари қалинлашиши, ютинишга қийналиш (дисфагия) ёки ютинган пайтдаги оғриқ, овознинг хириллаши, юз ёки бўйиндаги шиш, кўкрак қафаси ёки елкадаги доимий оғриқлар киради.

Аввалроқ жаҳонда одамлар энг кўп қайси касалликдан ўлаётгани хабар қилинганди.