Марғилонда қаровсиз қолдирилган машина ичидан телефон ўғирлаган шахс қўлга олинди
Фарғона вилояти Марғилон шаҳрида қаровсиз қолдирилган машина ичидан «Samsung S-8» ўғирлаган шахс қўлга олинди. Бу ҳақда вилоят ҳокимлиги ахборот хизмати хабар берди.
Фото: «Tez News»
Хабарга кўра, 22 сентябрь куни М.М. ИИБга мурожаат қилиб, телефони ўғирланганини маълум қилган. Мурожаатга кўра, у шу куни соат 10:00 ларда А.Яссавий кўчасида жойлашган қурилиш моллари савдо дўкони олдида «Nexia» русумли автомашинасини эшиклари қулфланмаган ҳолатда қаровсиз қолдирган. Номаълум шахс машина салонидан нархи 1 400 000 сўмлик «Samsung S-8» русумли уяли телефон аппаратини ўғирлаб кетган.
Мазкур ҳолат юзасидан Марғилон шаҳар Ички ишлар органлари фаолиятини мувофиқлаштириш бошқармаси ҳузуридаги тергов бўлими томонидан Жиноят кодексининг 169-моддаси 1-қисми (Ўғрилик) билан жиноят иши қўзғатилган.
Олиб борилган тезкор қидирув харакатлари давомида шбу жиноятни М.А. содир этганлиги аниқланиб, тергов ҳаракатлари олиб борилмоқда.
Маълумот учун, Жиноят кодексининг 169-моддаси 1-қисмида кўрсатилган жиноятни содир этган шахс уч йилгача озодликдан маҳрум қилиш қилиш билан жазоланиши мумкин.
Аввалроқ Фарғонада корхона ишчисининг салкам 500 долларини ўғирлаб кетган шахс, Қувада 700 минг сўмлик телефон ўғирлаган шахс қўлга олингани хабар қилинган эди.
