Калифорнияда оғирлиги 90 килограмм бўлган учинчи монолит топилди — видeo
AҚШнинг Калифорния штатидаги Пине тоғида 2 декабрь куни оғирлиги 90 килограмм бўлган учинчи монолит топилди. Бу ҳақда «BBC News» хабар берди.
Фото: «BBC News»
Таъкидланишича, уни 2 декабрь куни маҳалий аҳоли вакили Гари Лёнс топган. Гувоҳнинг «Sky News»га хабар беришича, бир кун олдин бу номаълум жисмни кўрмаган.
Янги топилган учинчи монолит Юта штатида бўлгани каби ерга қазилган ҳолда топилмаган. Олимларнинг айтишича, унга қаттиқ зарба берилса, ағдарилиб кетади. «Atascadero News» маълумотларига кўра, унинг вазни тахминан 90 килограмм.
Эслатиб ўтамиз, АҚШнинг Юта штати жамоат хавфсизлиги департаменти ходимлари штатдаги чўл устидан вертолётда учиб ўтаётганда тахминан уч метр баландликдаги металл монолитни кўриб қолгани ҳақида хабар берилганди.
Шунингдек, 26 ноябрь куни Руминиянинг Пятра-Нямс шаҳридаги Батка Доамней тепалигидан қирралари жимжимадор тасвирларга эга янги монолит топилгани ҳақида хабар берилган. «Daily Mail»нинг ёзишича, монолит милоддан аввалги 82 йилдан милоднинг 106 йилига қадар қурилган Петродавско-Дакийск қўрғони яқинидан топилган. Топилган монументнинг баландлиги тўрт метрга етган.
Аввалроқ Ерга рекорд даражада яқин масофадан кичик уй ҳажмидаги астероид учиб ўтгани ҳақида хабар берилганди. Шунингдек, америкалик олим Ернинг музлаткич катталигидаги астероид билан тўқнашиши мумкинлигини айтгани ҳақида хабар берилган.
