Aндижонда яна 3 нафар бемор коронавирусдан тузалди
Aндижон вилоятида 5 сентябрь, шанба куни коронавирусга чалинган 3 нафар бемор соғайди, деб хабар бермоқда Соғлиқни сақлаш вазирлиги матбуот хизмати.
Фото: «Tez News»
Қайд этилишича, вилоятда айни пайтга қадар 1229 кишида коронавирус аниқланган. Беморларнинг 1197 нафари (97 фоиз) касалликдан соғайган, 2 киши вафот этган. Ҳозирда 30 нафар беморга шифокорлар томонидан белгиланган стандартлар асосида даво чоралари кўрилмоқда.
Шунингдек, 5 сентябрь куни Тошкент шаҳрида 218 нафар, Тошкент вилоятида 95 нафар, Қашқадарё вилоятида 10 нафар, Наманган вилоятида 7 нафар, Андижон вилоятида 3 нафар ҳамда Қорақалпоғистонда 1 нафар, жами 342 нафар бемор соғайди.
Мавзуга доир: Aндижонда яна 7 кишида коронавирус аниқланди
Маълумот учун, Ўзбекистонда 5 сентябрь соат 17:00 ҳолатига кўра, коронавирус инфекцияси қайд этилганлар сони 43 293 нафарни ташкил этган. Aйни пайтга қадар коронавирус инфекциясига чалинган 40 474 нафар фуқаро соғайган. Ҳозирда 2176 нафар беморга шифокорлар томонидан белгиланган стандартлар бўйича даво чоралари кўрилмоқда.
