Пешкудаги барча мактаблар анъанавий таълим шаклида фаолият бошлади
Бухоро вилояти Пешку туманида мактабларининг бошланғич синф ўқувчиларига ўқишни тиклашга рухсат берилган. Бу ҳақда туман ҳокимлиги ахборот хизмати хабар бериди.
Фото: Пешку туман ҳокимлиги ахборот хизмати
Таъкидланишича, халқ таълими бўлими мудири ҳамда туман Санитария-эпидемиология осойишталик маркази раҳбари томонидан тасдиқланган режа жадвалга асосан 2020 йилнинг cентябрь ойидан умутаълим мактабларининг бошланғич синф ўқувчиларига ўқишни тиклашга рухсат берилган. Мактабнинг анъанавий таълим шаклига босқичма-босқич ўтилиши белгилаб берилганди.
Пешкy туманида халқ таълими тизими ходимлари томонидан кўрилган зарур чора-тадбирлар натижасида 5 октябрь куни тумандаги барча мактаблардаги юқори синф ўқувчиларига анъанавий шаклда таълим бериш бошлаб юборилди. Ота-оналар томонидан ўтказилган сўровномаларда ўқишни онлайн, яъни масофадан туриб ўқишни давом эттиришни танлаган ўқувчиларга эса, ўз хоҳишига кўра онлайн дарслар ҳам барча қатори тенг суръатларда олиб борилмоқда.
Фото: Пешку туман ҳокимлиги ахборот хизмати
Пешкy туман ҳокимлиги ҳудуддаги барча мактабларнинг карантин қоидаларига тўла амал қилган ҳолда фаолият олиб боришига, уларнинг 2020/2021 ўқув йилини бошлаб юборганлиги билан табриклади.
Aввалроқ Жомбойда 2020 йил охиригача 50 та мактабда интернет хизмати йўлга қўйилгани ҳақида хабар берилганди.
