ФВВ «Tashkent city»даги ёнғин бўйича маълумот берди

«Tashkent city»да қурилаётган уйларнинг биридаги ертўлада 12 декабрь куни ёнғин содир бўлди. Бу ҳақда Фавқулодда вазиятлар вазирлиги матбуот хизмати хабар берди.

Кадр: Telegram

Маълум қилинишича, 12 декабрь куни соат 14:53 да қурилаётган бино пойдеворида сақланган қурилиш материаллари ёниб кетган. 2 дақиқадан сўнг ёнғин содир бўлган жойга Тошкент шаҳар Фавқулодда вазиятлар бошқармасининг ёнғинга қарши қутқарув гуруҳлари етиб келган.

Ёнғин 15 дақиқада ўчирилган. Маълум бўлишича, умумий ёниш майдони тахминан 60 квадрат/метрни ташкил этган. Ёнғин оқибатида вафот этганлар йўқ

Aввалроқ Тошкент шаҳридаги «Техноконтинентал» корхонасида ёнғин содир бўлгани ҳақида хабар берилганди. Шунингдек, Чиноздаги «Пахта нефтьбазаси»да ёнилғи цистернаси ёниб кетгани хабар қилинган.