Тошкентда мижозларга стриптиз ўйинини кўрсатаётган тунги клуб аниқланди — видео
Тошкент шаҳри Яшнобод туманида мижозларга стриптиз ўйинини кўрсатаётган тунги клуб аниқланди. Бу ҳақда «Zo‘r TV» телеканалининг «25-soat» кўрсатувида хабар қилинди.
Каддр: Telegram/@zortv25soat
Қайд этилишича, деворга туширилган персонажлар, осилиб ўйнайдиган устунга эга саҳна, хонадаги кийим-кечак, буюмлар ва масканда эркаклардан кўра аёлларнинг кўплиги бунга далолат бўлади.
«Aёллар ҳам сархуш. Улардан бири ҳаётдан нолиётган бўлса, баъзилари ҳуқуқ-тартибот идоралари ходимларининг ташрифидан норози. Карантин талаби бузилаётгани билан на мутасаддиларнинг, на ходимларнинг иши йўқ», дейилади хабарда.
Манзилга профилактика инспектори чақирилиб, ҳолат юзасидан баённома тузилган. Тунги клуб ва стриптиз ўйини кўрсатаётганларга чора кўриш белгиланган.
Мавзуга доир:
Aввалроқ Тошкент шаҳрининг 2 туманида стриптиз ўйинини ташкил қилган тунги клублар аниқлангани ҳақида хабар берилганди. Шунингдек, Яккасарой туманида стриптиз ўйинини ташкил этган тунги клуб аниқлангани хабар қилинган.
